ປະກາດບົ່ງຕົວຄະນະພັກໂຮງຮຽນນາຍສິບເຫຼົ່າຮົບ ບ້ານແປນ
ວັນທີ 16 ມິຖຸນາ 2023 ນີ້, ໂຮງຮຽນນາຍສິບເຫຼົ່າຮົບ ບ້ານແປນໄດ້ຈັດພິທິປະກາດບົ່ງຕົວ ຄະນະພັກໂຮງຮຽນນາຍສິບເຫຼົ່າຮົບບ້ານແປນ, ໂດຍການເປັນປະ
ທານຂອງ ສະຫາຍ ພົນຕີ ວໍລະສານ ວິລັດດາວົງ ກຳມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ
ພົນຕີ ສີດາລໍ ຈົ່ງເຕັງເຈ້ຍຊ້າ ຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບ, ມີບັນດາຜູ້ຕາງໜ້າຈາກກົມຈັດຕັັ້ງພັກ, ກົມລົດ
ຕັງ-ຍານເກາະ, ກົມປືນໃຫຍ່ໜ້າດິນ, ການນຳແຂວງ, ການນຳເມືອງ, ກອງບັນຊາການທະຫານແຂວງ, ກອງບັນຊາການ ປກສ ແຂວງ, ຫ້ອງການ ປກສ-ປກຊ,
ກອງພັນໃຫຍ່ 643, ກອງພັນໃຫຍ່ 702, ໂຮງໝໍບໍລິເວນ 101, ໂຮງຮຽນທ້ອງຖິ່ນ, ບໍລິສັດ, ແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ. ສະຫາຍ
ພັນໂທ ພອນສະຫວັນ ສິລິສັກ ຫົວໜ້າການເມືອງໂຮງຮຽນນາຍສິບເຫຼົ່າຮົບ ບ້ານແປນ ໄດ້ລາຍງານການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາໃຫ້ຮູ້ວ່າ:
ການເຄື່ອນໄຫວວຽກງານຂອງຄະນະອໍານວຍການໂຮງຮຽນ ນາຍສິບເຫຼົ່າລົບ ບ້ານແປນ ນັບແຕ່ມື້ປະກາດ ມາຮອດປັດຈຸບັນໄດ້ຈັດຕັ້ງຫຼາຍວຽກງານ ໂດຍສະ
ເພາະແມ່ນໄດ້ເຕົ້າລວມຄະນະອຳນວຍການເພື່ອມອບໝາຍໜ້າທີ່ໃຫ້ແຕ່ລະຫ້ອງ, ພົວພັນແລ່ນວຽກທີ່ຮີບດ່ວນ ເພື່ອເຄື່ອນຍ້າຍມາປະຈໍາການ, ຂຸ້ນ ຂ້ຽວເຮັດ
ວຽກງານອັນຈຳເປັນ. ພະນັກງານແຕ່ລະສະຫາຍທີ່ຖຶກການແຕ່ງຕັ້ງ ແມ່ນມີໜ້າຢູ່ໂຮງຮຽນແລ້ວ, ເຕົ້າລວມຄະນະປຶກສາ ແລະ ເພື່ອມອບໝາຍວຽກໃຫ້ແຕ່ລະ
ຫ້ອງ ບັນດາໜ້າວຽກທີ່ຮີບດ່ວນຕ້ອງໄດ້ແກ້ໄຂ ໂດຍນຳໄຊ້ທຶນທີ່ຂັ້ນເທີງສະໜອງໃຫ້ໄດ້ຄົ້ນຄວ້າໄປຊື້ໂຕະ, ຕັ່ງເພື່ອໃຫ້ມີບ່ອນເຮັດ ວຽກຂອງຄະນະອຳນວຍ
ການ ແລະ ບັນດາຮອງຫ້ອງ, ຊັບຊ້ອນຫ້ອງການໃຫ້ແຕ່ລະຫ້ອງ, ແຕ່ລະພາກສ່ວນມາຮອດປະຈຸບັນແຕ່ຂັ້ນຮອງຫ້ອງຂື້ນເມືອ ແມ່ນມີຫ້ອງການເຮັດວຽກຂອງ
ແຕ່ລະສະຫາຍ. ສະຫາຍ ພັນເອກ ຈັນທາ ບຸນນະວົງ ຮອງຫົວໜ້າກົມຈັດຕັັ້ງພັກ, ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົງຂອງກະຊວງປ້ອງກັນປະ
ເທດວ່າດ້ວຍການສ້າງຕັ້ງຄະນະພັກໂຮງຮຽນນາຍສິບເຫຼົ່າຮົບບ້ານແປນ, ຄະນະພັກກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍພັນໂທ ພອນສະຫວັນ
ສຸລິສັກ ເປັນຄະນະປະຈໍາພັກ ທັງເປັນເລຂາຄະນະພັກ; ສະຫາຍ ພັນເອກ ພູເງິນ ພົມເມືອງ ເປັນຄະນະພັກປະຈຳ ທັງເປັນຮອງເລາຂາຄະນະພັກ; ສະຫາຍ
ພັນໂທ ສົມພັນ ພິມມະວົງ ເປັນຄະນະພັກປະຈຳທັງເປັນປະທານກວດກາພັກ. ໂອກາດນີ້, ສະຫາຍປະທານກໍໄດ້ໂອ້ລົມ ແລະ ໃຫ້ທິດທາງ ໃນການຈັດຕັ້ງປະ
ຕິບັດໜ້າທີ່ວຽກງານໃນຕໍ່ໜ້າ ເຊີ່ງສະຫາຍໄດ້ຊົມເຊີຍຕໍ່ຜູ້ທີ່ໄດ້ຮັບການແຕ່ງຕັ້ງ ພ້ອມທັງເນັ້ນໜັກໃຫ້ເອົາໃຈໃສ່ໃນການປະຕິບັດໜ້າທີ່ການເມືອງຂອງຕົນຢ່າງຕັ້ງ ໜ້າ ເພື່ອເຮັດໃຫ້ເລັດໜ້າທີ່ຕາມການມອບໝາຍ, ຄູອາຈານແຕ່ລະສະຫາຍຕ້ອງກຽມພ້ອມຫຼັກສອນການຮຽນ-ການສອນ, ຄະນະພັກແຕ່ລະສະຫາຍຕ້ອງກຳ
ແໜ້ນຢ່າງເລິກເຊິ່ງ ຄວາມໝາຍຄວາມສໍາຄັນຂອງການສ້າງຕັ້ງໂຮງຮຽນນາຍສິບເຫຼົ່າຮົບບ້ານແປນ, ເອົາໃຈໃສ່ດຳເນີນຊິວິດການເມືອງແຕ່ລະໄລຍະຢ່າງເປັນປົກ
ກະຕິ, ກຳແໜ້ນໄດ້ໜ້າທີ່ການ ເມືອງຂອງກົມກອງ, ເອົາໃຈໃສ່ສຶກສາອົບຮົບການເມືອງ-ນຳພາແນວຄິດ, ຕັ້ງໜ້າຍົກສູງສະຕິເພິ່ງຕົນເອງ, ກຸ້ມຕົນເອງ,ສ້າງຄວາມ
ເຂັ້ມແຂງດ້ວຍຕົນເອງ ຕາມເງື່ອນໄຂ ແລະ ຄວາມສາມາດ, ເອົາໃຈໃສ່ປະຕິບັດແນວທາງການຕ່າງປະເທດຂອງພັກ ໂດຍສະເພາະການຮັກສາມູນເຊື້ອຄວາມສາ
ມັກຄີກັບບັນດາປະເທດເພື່ອນມິດຍຸດທະສາດ ແລະ ເພື່ອນມິດສາກົນອື່ນໆ.
ແຫຼ່ງທີ່ມາ:ໜັງສືພິມກອງທັບ
ວັນທີ 19/06/2023